Ардерн: Односите на Нов Зеланд со Кина стануваат сè покомплексни
Како што зајакнува глобалната улога и важноста на Пекинг, односите со Кина, најголемиот трговски партнер на Нов Зеланд, стануваат сè покомплексни, изјави денеска премиерката Џасинда Ардерн.
Премиерката на Нов Зеланд ја даде оваа изјава додека нејзината земја е под притисок на западните сојузници, бидејќи одбива да ја критикува Кина во рамките на разузнавачкиот сојуз „Пет очи“.
Говорејќи на Кинескиот деловен самит во Оукланд, Ардерн истакна дека има прашања за кои Кина и Нов Зеланд „не се согласуваат и не можат да се согласат“.
Таа посочи дека овие разлики не ги одредуваат односите меѓу двете земји и оцени дека ова е предизвик со кој се соочуваат и другите земји во индопацифичкиот регион и во Европа.
Ардерн и министерката за надворешни работи Нанија Махута се залагаат за нова „независна надворешна политика“, која не е лојална на политиките на ниту еден голем геополитички блок.
Премиерката потврди дека Нов Зеланд ќе продолжи да го изразува својот став во духот на партнерството и истакна дека односите со Кина нема да бидат секогаш едноставни.
Ново на Сител
-
Обвинителство постапува за расчистување на физичкиот напад врз новинарската екипа на Алсат-М во Визбегово
-
Орбан: Зеленски е комичар кој глуми претседател
-
Вајц до бугарска новинарка: Треба да се информирате и малку да промислите за тоа што го зборувате
-
Тошковски: Ставени под контрола пожарите во Крива Паланка, Орман, Дојран, Николиќ и Волково
-
Пуштена за сообраќај скопската обиколница, сообраќајот кон ГП Блаце само за патнички возила
-
Гори кај касарната во Ѓорче Петров, запалени куќи во Орман и Волково, ангажирани припадници на Армијата
-
Пет пожари активни на подрачјето на Град Скопје
-
Обвинителството постапува во насока за целосно испитување на причините за настанување на пожарот во Визбегово