Анонимуси го хакираа сајтот на јапонскиот премиер
Хакерската група Анонимуси соопшти дека го хакирала официјалниот сајт на јапонскиот премиер Шинзо Абе, во знак на протест против плановите на Јапонија за лов на китови.
Шефот на Кабинетот на премиерот, Јошихиде Суга на конференција за печат во Токио изјави дека на сајтот на Абе од рано изутрина не може да се пристапи и дека полицијата спроведува истрага, јавија јапонските медиуми.
Суга потврди дека Анонимуси на Твитер објавиле порака во која ја преземаат одговорноста за хакирањето на сајтот, но додаде дека полицијата се уште не потврдила дека хакерската група е главно осомничена.
Во една од пораките на Твитер, објавена пред девет часа, Анонимуси ја критикуваат Јапонија поради лов на китови и предупредуваат дека сајтот на Абе ќе биде блокиран.
Наспроти протестите на организациите кои се борат против ловот на китови, Јапонија повторно ја започна сезоната за лов на овие животни на Антартикот, за која наведуваат дека се спроведува со истражувачки цели.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување