Анкети: Се побројни резултати дека Грците ќе кажат „да“ на референдумот

Најново истражување на јавното мислење во Грција покажа дека 44 отсто од граѓаните би ги прифатиле условите на меѓународните кредиторти, додека 43 се против, јави дописникот на МИА од Атина.

Според анкета на агенијата Ипсос, околу 12 проценти од граѓаните се неопределени за прашањето за кое треба да се изјаснат на утрешниот референдум.

Социолошкиот институт предупреди дека резултатите од анкетата се премногу блиску, за да може да се прогнозира исходот од референдумот.

Три проучувања на јавното мислење објавени вчера покажаа дека оние кои ќе гласаат „да“ се во мала предност, додека четвртата покажа дека тие што ќе кажат „не“ се побројни за 0,5 проценти. Сепак сите предупредија дека се во маргина на грешка, без да кажат од колку проценти.