„Ангела Меркел“ рекламира ново списание за лезбејки

Во пресрет на утрешното излегување на првиот број на едно ново германско списание кое ќе ги третира проблемите на лезбејките, беше промовиран црно-бел спот во кој се појавува и германската канцеларка Ангела Меркел.

Меѓтоа, како што објави италијанскиот весник „Кориере дела Сера“, „Ангела Меркел“ која што се појавува во спотот, всушност не е германската канцеларка, туку нејзина двојничка.  

Во една од сцените на спотот „Меркел“ стои крај прозорецот, а во позадина се слуша вест од радио дека 62 проценти од Германците ги поддржуваат истополовите бракови.

Ваквиот спот, според весникот, се оценува како критика упатена на сметка на Меркел, која неодамна во едно итервју изјави дека не поддржува дискриминација, но дека за неа бракот е заедница само меѓу маж и жена.

Инаку, новото германско списание за лезбејки се вика „Стрејт“ („Straight“).