Ангела Меркел изрази жалење за бавното спроведување на договорот меѓу ЕУ и Турција за мигрантите
Германската канцеларка Ангела Меркел денеска изрази жалење за бавното спроведување на договорот меѓу ЕУ и Турција за мигрантите, чија цел е прекинување на миграциската рута преку Егејското Море.
- Границите на копно се чуваат многу полесно од овие на море. Затоа склучивме договор меѓу ЕУ и Турција. Но за жал, не го постигнавме саканиот напредок за неговото спроведување, рече Меркел во неделното обраќање.
- За нас е неприфатливо луѓето да плаќаат многу пари, и да го изложуваат на опасност својот живот, додаде таа.
Оспоруваниот договор склучен во март меѓу ЕУ и Анкара, предвидува враќање во Турција на сите мигранти кои влегле во Грција. Во замена, ЕУ презеде обврска за секој вратен Сириец да преселува по еден од Турција во земја од ЕУ.
Од март, 1.187 мигранти беа вратени од грчки острови во Турција и 2.761 сириски бегалци од Турција беа раселени во европски земји, покажуваат податоците на Европската комисија. Приливот на мигранти на грчките острови нагло се намали, и во просек изнесува 92 на ден, во споредба со речиси 10-те илјади дневно пред една година, додава ЕК.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување