Андреј Миневски својот олдтајмер го претвори во санка на Дедо Мраз и делеше пакетчиња на деца

Андреј Миневски, уметник од Скопје, својот ојдајмер на иновативен начин го претворил во возило на Дедо Мраз, со кое делел пакетчиња на дечињата. Иако првичната идеја била да подели 50 пакети кои тој самиот ќе ги обезбеди, сепак идејата се проширила и стигнала до повеќе од 400 пакетчиња, кои заедно со своите помошници ги пакувале.

Првичната замисла била да се поделат пакетчињата на дечињата на улица, но самото тоа што бројката стигнала до повеќе од 400, истото опфатило и прошетки во училишта, како и центри за деца со попреченост. Заедно со моторџиите од "Гардијан Енџелс" организирале и тура на Дедо Мраз.

Почнал сам со помош на најблиските, а потоа тимот се зголемувал па со тоа успеале да привлечат и донатори.

Пакетчето можеби  материјално не е  многу вреден подарок, но во себе носи голема симболика, а истото донесе многу детски радости и насмевки.

Андреј и неговите помошници планираат следната година да ја проширaт акцијата и да обезбедат уште повеќе подароци, а можеби ќе обезбедат  и втора санка.

Со своето препознатливо возило, на едноставен начин Андреј Миневски донесе празнична радост кај многу дечиња.