Американското катче во Скопје на нова локација
Амбасадата на САД и општина Центар денеска потпишаа Меморандум за разбирање со кој општината обезбедува нови простории за Американското катче во Скопје.
Документот го потпишаа градоначалникот на општина Центар, Андреј Жерновски и Лаура Браун, советник за односи со јавност во Амбасадата на САД.
Браун посочи дека ваквите катчиња кои ги има во повеќе земји се можност за учење за американската историја и култура, помош за лицата кои сакаат да студираат во САД.
- Возбудени сме за новата соработка со општина Центар. Ова е можност нова генерација млади луѓе да се запознаат и да го шират пријателството меѓу двете земји, рече Браун.
Според Жерновски, ова влегување во партнерски однос помеѓу САД и општина Центар е исклучително значајно и носи придобивки за граѓаните на општината.
- Влегуваме во партнерски однос што е бенефит за граѓаните на општина Центар, бидејќи ќе имаат пристап до голем библиотечен фонд, ќе можат да добиваат информации за стипендии и ќе се запознаат со образовните програми во САД, рече градоначалникот Жерновски.
Новата локација на Американското катче е во катната гаража на Судска палата, а опремувањето и обезбедувањето библиотечна колекција е обврска на Амбасадата на САД.
Катчето ќе го користат сите граѓани бесплатно и ќе биде отворено за јавноста во работните денови. Досега Американското катче беше сместено во доградбата на Националната и универзитетска библиотека „Свети Климент Охридски“.
Ново на Сител
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат