Амбасада на САД: Престрелки околу кралската палата во Џеда

Американската амбасада во Саудиска Арабија денеска ги предупреди државјаните на САД „да бидат внимателни“ доколку се движат во реонот околу кралската палата во Џеда, бидејќи добила информации дека во тој дел „дошло до престрелки и дека има загинати“.   

Во соопштението се посочува дека Амбасадата добила неколку непотврдени дојави оти саудиските безбедносни сили спречиле обид за напад во близина на кралската палата.

Според истите извори, при престрелката се убиени напаѓачите и неколкумина чувари на палатата.

Саудиската Влада засега не ги коментираше ваквите информации.