Aкраповиќ: Наша шанса е стрпливата игра

По тој повод денеска одржаа прес конференција на која првиот стратег на тетовчани изјави:

„Подготвени сме колку што треба по одличните подготовки во Словенија. Сите играчи се здрави иако имавме малку проблеми со повредите, но ништо страшно. Ги имаме сите во екипата и натпреварот го чекаме подготвени. Шкендија е силна екипа, моите момци се во добра форма, имаме добра комбинаторика, добар посед на топка. Полската екипа е дисциплинирана и физички добро подготвена, не треба да се натрчуваме со нив, туку да ја држиме топката“, вели Акраповиќ.

Краковија е најстариот фудбалски клуб во Полска формиран 1906 година. Има освоено пет титули во Полска но последната е во 1948 година. Отогаш клубот нема поголеми успеси.  Ова му е втор настап на послкиот клуб на меѓународната фудбалска сцена. Првиот го имаше во Интертото купот во 2008 година кога беше елиминиран од Шахтјор Солигорск.