Акција за лов на диви свињи во Малешевијата против Африканска чума
На три ловишта во беровско, ќе се спроведе акција за лов на дива свиња. Владо Клинчарски од ЈП „Македонски шуми” – подружница Малешево, информираше дека акцијата е дел од превентивните мерки за заштита од болеста Африканска чума.
– Се известуваат сите заинтересирани ловџии од територијата на Малешевијата дека се дозволува ловење дива свиња, поради превентивна мерка за заштита од појавата на Африканска чума. Ловењето е дозволено во три ловишта и тоа Ратевска река, Џами Тепе и Палазлија. Ловењето ќе се одвива во сабота и недела, како и за време на државни празници, соопшти Клинчарски.
Додаде дека, дозволите за оваа активност ќе се издаваат од 7 до 11 часот во просториите на подружницата.
-Вадењето дневна дозвола чини 100 денари, а ловџиите ќе можат да се пријават само со приложување копија од лична карта, копија од поседување и носење на оружје и копија од положен ловечки испит, дополни Клинчарски.
Групата треба да биде составена од 5-10 ловџии, а пријавувањето, како што додадоа од беровската подружница на ЈП ,,Македонски шуми”, треба да биде 48 часа пред денот на ловот, во кој учество на кучиња не е дозволено.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден