АХВ: Обезбедена храна за добитокот во поплавените региони
Агенцијата за храна и ветеринарство денеска соопшти дека со цел да им помогне на сточарите од поплавените региони од донации има обезбедено и поделено околу 15 илјади килограми концентрат за исхрана на преживеаниот добиток.
Најголем дел од донираниот концентрат, односно 231 вреќа или 11.650 килограми наменети се за исхрана на говедата и поделени им се на сточарите согласно бројот на преживеани грла кои се евидентирале при контролата извршена на терен од страна на тимовите од Агенцијата за храна и ветеринарство и од Агенцијата за поттикнување на развојот на земјоделството.
За исхрана на овци и кози во поплавените региони, преку Агенцијата за храна и ветеринарство од донации од правни лица, досега се собрани и распоредени над 3.150 килограми концентрат, односно 63 вреќи. До крајот на минатата недела на одгледувачите на свињи, донирани им се 26 вреќи односно 2.200 килограми концентрат.
Акцијата за обезбедување донации во добиточна храна наменета за сточарите од поплавените региони ја реализира Агенцијата за храна и ветеринарство во соработка со Агенцијата за поддршка на развојот на земјоделството.
Од Агенцијата за храна и ветеринарство информираат дека и во наредните денови ќе продолжи обезбедувањето добиточна храна за сточарите од поплавените региони.
Ново на Сител
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија