Адвокатот на Трамп се сретнал со руски олигарх пред инаугурацијата на претседателот
Мајкл Коен, адвокат на претседателот на САД, Доналд Трамп, се сретнал со рускиот олигарх Виктор Векселберг, близок до Кремљ. Средбата се случила во Њујорк, неколку дена пред Трамп да стапи на должноста претседател.
За време на дискусијата во канцеларијата на Коен, 11 дена пред инаугурацијата на Трамп, адвокатот и олигархот разговарале за подобрувањето на односите меѓу Москва и Вашингтон и се договориле да се сретнат повторно на церемонијата, пишува „Њујорк тајмс", цитирајќи го Андреј Интратер, Американец, кој присуствувал на средбите и ги води инвестициите на Векселберг.
Извор, кој побарал анонимност, ги потврди информациите на „Њујорк тајмс“.
Фирмата на Интратер, „Колумбос нова" му дала на Коен консултантски договор вреден еден милион долари, кој во моментов се истражува од федералните власти на САД. Специјалниот истражен офицер Роберт Малер ги испитува наводните контакти на Трамп и неговите помошници со Русија, пред и по претседателските избори во 2016 година.
Во исто време, федералните обвинители ги испитуваат финансиите и бизнис зделките на Коен.
Интратер изјави дека Векселберг не му дал инструкции да го ангажира Коен како консултант.
Инаку, олигархот веќе беше испрашуван од агенти на ФБИ кои работат на истрагата на Малер.
Ново на Сител
-
Орбан: Мора да спречиме Европа да влезе во војна со Русија
-
"Марш за живот" во Тирана против предлог-законот "Сексуален живот и репродукција"
-
Тепачка меѓу затвореници во Идризово
-
Зеленски: Намерата на Трамп со отстапки да ја заврши војната во Украина може да биде опасна
-
Северна Кореја повторно испрати балони со ѓубре во Јужна Кореја
-
Битолчанец изгубил контрола и излетал од патот, загинал на местото на несреќата
-
Посебен режим на сообраќај во недела во Скопје
-
Мечка со две мали мечиња се фатени на камера на пат во Маврово