АД ЕСМ: Новата когенеративна гасна електрана „КОГЕЛ“ со значаен удел во електроенергетскиот систем
Од почетокот на грејната сезона, заклучно со 31 јануари годинава новиот енергетски капацитет, когенеративната гасна електрана КОГЕЛ има произведено 14.000 MWh електрична енергија и 2.622 MWh топлинска енергија, соопшти денеска АД Електрани на Македонија.
Оттаму истакнуваат дека од пуштањето во употреба во октомври минатата до досега производството во КОГЕЛ се одвива според предвидениот план и во согласност со енергетскиот биланс.
– Значењето на КОГЕЛ како енергетска постројка особено дојде до израз во јануари годинава, кога во услови на континуирани ниски надворешни температури покажа одлични перформанси и стабилност во производството на електрична и на топлинска енергија, со оглед на тоа што гасните мотори во КОГЕЛ овозможуваат брзо вклучување во работа и брза синхронизација, што е од исклучителна важност за стабилноста на електроенергетскиот систем, стои во соопштението.
Преку овој производствен капацитет кој е инкорпориран во подружницата „Енергетика“ со парно греење се снабдуваат околу 3.500 домаќинства, 17 основни и средни училишта и градинки, како и повеќе од 75 правни субјекти од населбите Автокоманда, Железара, Триангла, Маџари и Хиподром. Во подружницата, истакнува енергетската компанија, постојано се работи на зголемување на базата на корисници на топлинска енергија, а во иднина се очекува поврзување со новоизградените објекти во населбите Хиподром, Бутел и Чаир.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228