АА: Го поздравуваме настојувањето на САД за поинтензивна борба против корупцијата
– Алијансата за Албанците го поздравуваат настојувањето на САД за интензивирање на борбата против корупцијата во Западен Балкан и особено во Република Северна Македонија.
– Денешната мисија ја покажува решеноста на американската администрација да ја отстрани оваа чума што го поткопува развојот на нашите држави и иднината на нашата младина во земјава. Вметнувањето на Груевски и Мијалков во американскиот список за санкции беше констатација за фактичката состојба на терен, бидејќи против нив има правосилни решенија за корупциски дела, велат од Алијансата за Албанците, коментирајќи ја изјавата на американската амбасадорка во земјава Анџела Агелер дека тим за санкции од Вашингтон пристигна во земјава за да изврши поагресивен увид во поранешните и сегашните корумпирани актери, и да ги разгледа сите можни одговори.
Од Алијансата за Албанците очекуваат на списокот да се додадат и други корумпирани актери кои се уште се политички активни и недопирливи за правдата во државата бидејќи, како што велат, токму тие ги контролираат судиите и обвинителите.
– За почеток, новата листа логично треба да ги содржи имињата на политичарите инволвираните во случајот Маѓар Телеком против кои Комисијата на американската берза донесе полноправно кривично решение, посочуваат од Алијансата за Албанците.
Ново на Сител
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти