80 милиони денари од Владата за обесштетување на граѓаните погодени од невремето лани во Долна Преспа

Од Буџетот на Република Македонија, трансферирани се скоро 80 милиони денари на општина Ресен, за обесштетување на граѓаните погодени од невремето во 2019 година во Долна Преспа, напиша на својот Фејсбук профил градоначалникот на Ресен, Живко Гошаревски.

Нагласи дека Општина Ресен, во законскиот рок од еден месец ќе го изврши обесштетувањето на граѓаните.

-Во знак на благодарност поради залагањата на премиерот на Владата на Република Македонија, на вчерашната средба му доделив плакета „Преспански јаболкобер 2020“, истакна Гошаревски.