8 куршуми и 4.200 евра пронајдени во куќата на монструмот кој уби 10 соседи во Цетиње

При претрес во куќата на Вук Бориловиќ биле пронајдени 4.200 евра и осум куршуми за ловечка пушка соопшти полициската управа на Црна Гора.

Куќата на Бориловиќ, како што е соопштено, е претресена по наредба на надлежниот судија за истрага, пренесува црногорски Вијести.

 

Полицијата не пронашла камери во куќата на масовниот убиец Вук Бориловиќ, но открила снимка од надзорните камери поставени на неколку згради во близина.

– Со проверка не се пронајдени камери. Од неколку локации полицијата запленила снимка од видео надзор за која се верува дека може да даде информации за споменатиот настан, соопшти Полицијата.

 

Бориловиќ (34) е убиен откако претходно уби 10 соседи, меѓу кои две деца, а шестмина тешко рани.