Во Прилепско во тек се теренски акции за имунизација
Во пресрет на неделата на имунизација, во Прилеп во тек се акциите за теренска имунизација низ градот и населените места во регионот и за подигнувањето на свеста од потребата за вакцинација на децата како најсигурна заштита од заразни заболувања и болести. Акцијата ја спроведуваат екипите од Диспанзерот за вакцинации при прилепскиот Здравствен дом. Се работеше во населбата Тризла, каде живее ромското население, а акции ќе има во Долненско и други населени места.
Генерално во Прилеп процентот за вакцинирани е преку 90 отсто, меѓу ромското население е околу 70 проценти.
-Потребни се овие акции, а и почесто присуство во населбата Тризла. Но има проблеми поради несоодветни адреси или непристапност, вели медицинската сестра Јасмина Талеска при теренската акција во населбата Тризла.
Се јавуваат проблеми и поради тоа што дел од децата не одат на училиште или не се во системот.
-Со оддалечените населени места немаме некои посебни проблеми. Комуницираме телефонски со жителите. Проблемот претежно е во ромски населби, бидејќи немаме пристап до тие деца, адресите не се соодветни, а ние немаме курирска служба за да ги пронајдеме. Ни помагаат и невладините организации, да ги пронајдеме преку здравствен медијатор, а има деца кои немаат никаква документација, не се вклучени во образовниот систем и тие се оние кои треба да ги пронајдеме, вели д-р Верица Какараскоска Петреска, педијатар во диспанзерот за вакцинации при Здравствениот дом во Прилеп.
Ќе се спроведат 12 теренски акции во Прилепско. Почнаа од 15 април и продолжуваат и во наредните две недели.
Во Прилепскиот регион досега се регистрирани два случаи на голема кашлица кај петмесечни бебиња и тоа со добиена прва доза вакцина. Првиот од селото Дебреште, вториот од населеното место Житоше, Долненско. Тие се во добра состојба. Епидемиолозите очекуваат изолирани случаи, но не и разнишана епидемиолошката состојба. Генерално, во Прилеп процентот на имунизација е преку 90 отсто.
Ново на Сител
-
43-годишник не прифатил знак за запирање и со возило се обидел да удри во полицаец
-
Сообраќајот на автопатот Скопје - Велес пред Катланово пренасочен преку езерото Младост
-
Владата на Србија предложи нападот врз здравствените работници да биде посебно кривично дело
-
Крени-прoмени го напушта Собранието на град Белград и општина Нов Белград
-
Александар Бајдевски поднесе кандидатура за претседател на СДСМ
-
МВР демантира дека во возило на МНР управувано од возач вработен во Министерството била пронајдена дрога
-
Скандал: Директорка на училиште во Струга забранила да се пее химната на Македонија
-
Со дрога фатен шофер на МНР во Охрид, дрогата ја носел во Скопје - Случајот се крие