Сомнителен пакет откриен во нуклеарка во Белгија
Во белгиската нуклеарна електроцентрала „Тианж“ денеска бил откриен сомнителен пакет, по што на местото се испратени воени и полициски екипи, а се очекуваат и деминери, јавија локалните медиуми.
Дел од вработените во централата биле евакуирани, но таа продолжила да работи.
Според сведоци на настанот, пакетот бил откриен од куче дресирано за пронаоѓање сомнителни пратки.
Медиумските информации за сомнителниот пакет, досега не се официјално потврдени ниту полицијата, ниту од раководството во централата.
„Тианж“, која е една од двете нуклеарки во Белгија, се наоѓа близу Лиеж. Пред повеќе од една година белгиските медиуми објавија дека терористите кои го извршија нападот во Париз во ноември 2015 година, подготвувале напад и врз нуклеарна централа, најверојатно во Белгија.
Тогаш медиумите информираа дека при истрагата за нападот во Париз, бил откриен видеозапис од набљудување на домот на директорот на белгиската програма за изтражување и развој на атомската енергија.
Неодамна белгиските медиуми објавија дека некои вработени во атомските централи биле отпуштени од работа, откако биле осомничени за радикализација.
Ново на Сител
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“
-
Албанија „ќе увезе“ 40.000 работници од Филипините