Собранието ќе ја одржи 82-та седница и ќе ја продолжи 74-та
Собранието на Република Македонија денеска треба да ја одржи 82. седница, а по нејзиното завршување пратениците ќе продолжат со точките од дневен ред од 74-та седница.
Предлог на закон за изменување и дополнување на Законот за странците, по скратена постапка, и Предлог на закон за дополнување на Законот за технолошки индустриски развојни зони, по скратена постапка, поднесен од пратениците Александар Николоски, Драган Цуклев и Реџаиљ Исмаили, се на дневен ред на 82 седница.
По завршувањето на оваа седница најавено е продолжување на 74. седница на која треба да продолжи дебатата за измените и дополнувањата на Законот за учебници за основно и средно образование, по скратена постапка. На дневен ред се и измените и дополнувањата на Кривичниот законик, Предлог на закон за пробација, дополнувањето на Законот за безбедност на сообраќајот на патиштата, измените на Законот за учебници за основно и средно образование, поднесен од пратеникот Енес Ибрахим и Предлог на закон за амнестија, поднесен од Павле Трајанов и Лилјана Поповска, сите во прво читање.
Во рамки на 74. седница пратениците треба да дебатираат и по Информацијата за енормното загадување на амбиентниот воздух во Република Македонија, поднесена од пратениците од опозицијата.
Ново на Сител
-
Горела ниска вегетација кај скопско Ново село
-
114 сообраќајни санкции во Скопје
-
Околу 15 илјади кандидати полагаат мајчин јазик – Првиот испит од државната матура
-
Без струја дел од улицата од Центар
-
Финале на ЛШ: Рекорден триумф на Реал или последен победнички танц на Ројс со Борусија?
-
Хамас соопшти дека го одобрува планот на Бајден за мир во Газа, Израел испрати преговарачи
-
Трамп: Судењето беше многу нефер
-
Голем руски ракетен напад врз Украина