Син на нарко босот Ел Чапо е меѓу киднапираните во летувалиштето Пуерто Вајарта
Еден од синовите на најпознатиот мексикански нарко бос Хоакин Ел Чапо Гусман е меѓу шестемината киднапирани од ресторанот во мексиканското летувалиште Пуерто Вајарта, пренесоа светските агенции.
- Хесус Алфредо Гусман Саласар (29), син на Хоакин Гусман, е меѓу грабнатите, соопшти обвинителот на државата Халиско, Едуардо Алмагуер.
Седум вооружени мажи во понеделникот утрината упаднаа во ресторанот во луксузниот кварт на комплексот, што се наоѓа на Тихоокеанското крајбрежје на Мексико. Напаѓачите од ресторанот киднапираа неколку лица. Претпоставка е дека киднапирањето е расчистување на сметките меѓу наркокартелите.
Се смета дека одговорноста за киднапирањето е на картелот „Нова генерација на Халиско“.
Самиот Ел Чапо се наоѓа во затвор во Сиудад Хуарес, во близина на границата со САД. Тој го очекува евентуално екстрадирање во САД, на инсистирање на Вашингтон. Во јули минатата година Ел Чапо успеа да избега од затвор преку тунел, што го прокопа од неговата затворска ќелија. Беше фатен шест месеци подоцна.
Картелот „Нова генерација на Халиско“ за неколку години се претвори во еден од најмоќните мексикански наркокартели.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски