Штип го расчисти долгот за бесплатен превоз на учениците
Штипските училишта не должат ниту денар за бесплатниот превоз на учениците. Билјана Казанџиска, раководител на Секторот за јавни дејности, ЛЕР и образование во општина Штип вели дека последниот долг кон превозниците, од околу шест милиони денари, го платиле на крајот од минатата година.
– Во 2017 година од претходната власт наследивме долг од 19 милиони денари или 300.000 евра. Успеавме долгот да го анулираме и на сите превозници на кои со години не им се плаќани обврските да ги подмириме. Училиштата сега ги плаќаат само тековните сметки за превоз на ученици, вели Казанџиска.
Со штедење, но и со добивање на повисоките блок дотации, општината го надмина овој голем проблем. Имено, заврши и тендерската постапка за набавка на нафта за греење за општинските институции. Околу 600.000 евра ќе чинат 543 тони нафта за затоплување и на општинската зграда, мултумедијалниот центар „Киро Глигоров“, четирите средни, петте основни и подрачните училишта.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид