Шапуриќ: Сите субјекти координирано да работат за поголема заштита на рибниот фонд на Охридското Езеро
Грижата за рибниот фонд на Охридското Езеро бара одговорен пристап од сите субјекти, од научните институции, преку инспекторатот до полицијата. На езерото му е потребна поефикасна служба за контрола на изловот на рибата, заклучија денеска на Охрид директорот на Државниот инспекторат за земјоделство Зоран Шапуриќ, претставници на Хидробилошкиот завод и новиот концесионер на Охридското Езеро.
– Навистина е мал бројот на инспектори во овој момент кои се одговорни за следење на состојбите и на другите езера во државата. Треба да се работи на зајакнување на капацитетот. Во координирана активност со полицијата и концесионерот и инспекторската служба со зајакнат капацитет ќе продонесат за поголема заштита на рибата во езерото, изјави Шапуриќ.
Според него, треба да се спроведат мерки и активности на краток и на среден рок за засилена физичка заштита на рибата.
– Концесионерот на средбата рече дека моментално располага со 12 рибочувари со план за зголемување на нивниот број на 40 рибари, како и обезбеден глисер за контрола на езерото. Во тек е постапка за набавка и на глисер за потребите на Државниот инспекторат. Важно е да се вработат уште неколку инспектори имајќи предвид дека со два глисери и повеќе рибочувари ќе се подобри физичката заштита на рибниот фонд во езерото, рече Шапуриќ.
За намалениот рибен фонд во езерото придонесува и слабата контрола на изловот на риба од албанската страна, како и климатските промени.
– Хидробиолошкиот завод заедно со концесионерот треба да споведуваат истражувања за запирање на негативниот прираст на риба во езерото, а истовремено и да спроведуваат активности за конкретна физичка заштита на рибата и спречување на рибокрадството. Секако, тука е важна и соработката со соодветните инситуции и субјекти од другата страна на езерото, истакна Шапуриќ.
Нов концесионер што што наредните шест години ќе стопанисува со рибниот фонд на Охридското Езеро е фирмата „Летница Белвица“, која го доби езерото на користење со изменета риболовна основа. Измените се однесуваат во делот на утврдување на периодот на мрест, времето во кое е дозволен риболовот, намалени се количините на дозволен улов на охридска белвица и детално се уредени специфичните локации на мрест на рибите, особено за Охридската пастрмка, белвицата и крапот.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд