СБ на ОН усвои резолуција за борба против ИД
Советот за безбедност на Обединетите нации усвои резолуција со која на државите им се овозможува да ги преземат сите неопходни мерки во борба против Исламска држава.
Резолуцијата е усвоена едногласно, една недела по терористичките напади во Париз во кои загинаа 130, а беа повредени повеќе од 300 луѓе.
Предлог-резолуцијата е изготвена од Франција, а во текстот се апелира земјите-членки на ОН двојно да ги зголемат и координираат напорите за спречување на терористичките напади на Исламска држава и другите екстремистички групи поврзани со Ал Каеда.
Шефот на француската дипломатија Лоран Фабијус го поздрави усвојувањето на резолуцијата истакнувајќи дека тоа ја покажува одлучноста на светот да се спротистави на џихадистите на ИД.
- Сега е важно сите земји на конкретен начин да се посветат на таа борба или низ воена акција, изнаоѓање на пчолитичко решенија или борба против финисирање на терористи, посочи Фабијус.
Резолуцијата не одобрува ниту има правна основа за воена акција и употреба на сила, но француските дипломати оценуваат дека таа ќе обезбеди значајна политичка поддршка за кампања против ИД.
Со резолуцијата најостро се осудуваат нападите во Париз и Бејрут, а се спомнува и насилството во Тунис, во Турција и Египет.
Ново на Сител
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено