Руските сили гранатираа 17 населени места во областа Херсон, две лица загинаа
Руската армија во текот на ноќта гранатирала 17 населени места во областа Керсон, при што загинале две лица, а четворица биле повредени, соопшти шефот на воената управа на Керсон, Олександр Прокудин.
„Руската армија таргетира области на населени места, оштетувајќи две повеќекатници и 10 приватни куќи. Како резултат на руската агресија, две лица загинаа, а 4 други се повредени. Напади се забележани и кај пристанишната инфраструктура, објектите на критичната инфраструктура, еден трговски центар, комерцијални објекти и автомобили “, рече Прокудин во пост на „Телеграм“.
Во текот на ноќта, украинските сили за ПВО уништиле 26 од 28-те јуришни дронови што Русија ги користела за напад на Украина, објави на „Телеграм“ Военото воздухопловство на Вооружените сили на Украина.
„Ноќта кон 28 март, непријателот изврши ракетно-воздушен напад врз Украина користејќи три крстосувачки ракети Х-22 и една противрадарска ракета Х-31П (од правец на Црното Море), противвоздушна наведувана ракета С-300 (од правец на Доњецк) и 28 јуришни беспилотни летала од типот „шахед-136/131“ (од регионот Курск и Крим)“, се наведува во соопштението.
Во него се додава и дека биле уништени 26 јуришни дронови „шахед-136/131 во областите Одеса, Харков, Дњепропетровск и Запорожје.
Како што пренесува „Укринформ“, руските сили во текот на ноќта го нападнале Запорожје со дронови „шахед“, а во нападот биле повредени две жени.
Ново на Сител
-
Во Лазарополе утрово најстудено, најмногу дожд во Дебар
-
114 сообраќајни санкции во Скопје
-
Од утре изменет режим на сообраќај на автопат А1, делница Петровец - Катланово
-
Управниот суд ја одби како неоснована тужбата на Европскиот фронт за решението на ДИК за прегласувањето во Желино
-
Македонија ги дозна противниците за Мундијалот, ќе играме во Вараждин
-
Европол: Уапсени четири луѓе во голема меѓународна операција против малициозен софтвер
-
Косовската полиција заплени пари од трезорот на НБС во северниот дел на Косовска Митровица
-
Поротата во судењето на Трамп го заврши првиот ден од расправата без да донесе пресуда