Русите бираат претседател, Путин фаворит
- Во Русија денеска се одржуваат претседателски избори на кои се очекува победа на актуелниот шеф на државата Владимир Путин.
Во трката за претседател на Русија се осум кандидати.
Според анкети, Путин има поддршка од околу 80 отсто граѓани, што лесно може да му обезбеди уште еден шестгодишен мандат.
Путин за првпат беше избран за претсеател во 2000 година. Оваа година е независен кандидат.
Меѓу останатите кандидати се лидерот на Либералната демократска партија на Русија, Владимир Жириновски, бизнисменот Павел Грундин како кандидат на Комунистичката партија, соосновачот на Јаболко, Григориј Јавлински, лидерот на Партијата на прогресот и економски омбудсман, Борис Титов, шефот на партијата Руски општонароден сојуз Сергеј Бабурин, ТВ водителката и политички активист Ксенија Собчак и лидерот на Комунистите на Русија, Максим Суракин.
На речиси 97.000 избирачки места може да гласаат околу 110 милиони гласачи (од нив 1.875.408 во странство).
На сите избирачки места има веб-камери што би требало да обезбедат контрола на почитувањето на изборниот процес.
Изборите ги следат повеќе од 144.000 набљудувачи (рекорден број), од кои 1.500 меѓународни набљудувачи од 109 држави.
Сите избирачки места ги чува полицијата, а само во Москва за безбедноста се ангажирани повеќе од 17.000 полицајци.
Изборите ги „покриваат“ околу 400 странски новинари и вкупно 13.200 новинари ширум Русија.
Ново на Сител
-
Скопјанец го нападнал градоначалникот на општина Шуто Оризари, полицијата извршила службен разговор со него
-
Сиљановска Давкова: Ќе го почитувам Преспанскиот договор, но го задржувам правото на слобода на изразување
-
Кацарска ќе даде осврт за претседателскиот мандат во Уставен, до крајот на месецов ќе се знае нејзиниот наследник
-
Африм Гаши избран за претседател на Собранието
-
Терзиќ: Во еден натпревар можеме да го победиме Реал
-
Собранието ги верификува мандатите на 118 пратеници
-
Автомобил удрил во велосипедист во Скопје и избегал од местото на несреќата
-
Намален бројот на дипломирани студенти минатата година во однос на 2022 година