Рони Вуд подложен на операција на рак на белите дробови
Гитаристот на британската рок група „Ролинг Стоунс“, Рони Вуд откри дека минатава пролет бил подложен на итна операција, откако лекарите утврдиле канцер на неговите бели дробови.
- Се борев со канцерот на белите дробови, изјави Вуд за „Ивент“, неделен прилог на британскиот дневник „Дејли Мејл“.
Вуд рече дека заминал на рутиснка контрола кај лекарот во мај пред турнејата на бендот, кога му бил откриен канцерот на левото белодробно крило.
По една недела, откако резултатите од тестовите покажале дека канцерот не се шири, тој одлучил да не оди на хемотерапија за да не остане без коса, туку се подложил на итна операција за остранување на дел од белодробното крило.
- Сега сум добро, но морам да одам на контрола на секои три месеци, изјави Вуд, додаде дека имал „луда среќа“. - Секогаш сум имал ангел чувар, инаку по сите правила не би требало да сум се уште тука, додаде Вуд.
Нешто пред роденденот на своите ќерки близначки, во мај минатата година, Вуд ги остви цигарите, алкохолот и дрогата, но со децении пред тоа живееше „рокерски стил“ на живот.
Рони Вуд е најмладиот член на групата „Ролинг Стоунс“, на која и се придружи во 1975 година.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош