Промоција на собрани дела на Горан Б. Стојаноски
Во Кичево денеска ќе бидат промовирани собрани дела во два тома на Горан Б. Стојаноски, објавени од „Македоника литера“ од Скопје.
Како што соопшти „Македоника литера“, книгите ќе ги претстават Нове Цветаноски и Горјан Петревски во Градската библиотека при Центарот за култура „Кочо Рацин“.
Горан Б. Стојаноски (1966-2010) има напишано шест книги наменети за деца од помала возраст и сите шест се одлично прифатени од младите читатели.
Во првиот том од собраните дела на Горан Б. Стојаноски, под наслов „Дивата убавица“, се содржани трите романи – сказни „Дивата убавица“ (2005), „Вилар“ (2001) и „Доживувањата на Геге супер Геге“ (2010), а во вториот со наслов „Џуџести и други необични сказни“ се вклучени другите три книги кои содржат по триесет до четириесет помали сказни, а тоа се „Џуџести сказни“ (2011), „Трпкавица в ногавица“ (2007) и „Шумски сказни“ (1998).
На крајот на вториот том е објавен и поговор за сите дела од Горјан Петревски, а книгите се илустрирани со цртежи на Благојче Наумоски и Ленче Тосева.
Сказните на Стојаноски се напишани на еден одмерен, сугестивен, досетлив и препознатлив раскажувачки манир, со суптилен приод и лесно разбирливиот текст. Тие ги гради со необични приказни, а често и со необични ликови, а во неговите книги доминантна е вечната и никогаш непрекината борба помеѓу доброто и злото, при што секогаш, се разбира, преовладува доброто.
Горан Б. Стојаноски е автор и на повеќе детски радиодрами, на сценарија за документарни радио и телевизиски емисии и на циклус од десетина радиодрами работени врз народни приказни од Кичевско, а снимени со заедничкиот наслов „Приказни од Кичевско“.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола