Прилепчани дома за Стара Нова година, помал е интересот за пречек во угостителските објекти
Главно дома, со друштво и во расположение со најблиските, прилечани ќе ја пречекаат Стара Нова година. Велат, јануари е со празници, го истоштува домашниот буџет, често непотребно се претерува со трошоците, но традицијата мора да се одржува. Особено што прилепчани имаат посебна традиција, за Василица да се заврти мазникот и да се побара среќната паричка.
Прилепските угостители признаваат дека се намалува интересот да се слави во угостителските објекти. Еден од најстарите и најискусни угостители Киро Илиески вели дека има причини за намалениот инетерес.
-Се чувствува во последниве години дека сѐ помал е интересот за пречек на Стара Нова година во угостителските објекти. Прво, Прилеп има традиција за пречекот на Стара Нова година да се седи дома. Имаме гости од друштва кои сакаат да си организират пречек на вечерта (на 13 јануари) за Стара Нова година, но евидентно, интересот се намалува, како што беше и за новогодишните празници. Има неколку причини зошто е тоа така. Прво е беспарицата, луѓето се истоштени од јануарските трошоци и празнувања. Второ, сите се преокупирани со сѐ и сешто: со политичките ситуации, со секојдневието, но и го нема тоа расположение. Ние се трудиме цените и услугите да ги адаптираме на потребите и можностите на граѓаните, но како да нема посебно расположение, коментира прилепскиот угостител Илиески.
Прилепчани ќе ја почитуваат традицијата за Стара Нова година, Василица. Велат мора да се собере семејството и да ја побара среќната паричка, а во неа треба да се верува зашто среќата никој не знае каде се крие.
Ново на Сител
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави