Предизборно финале - партиите ги финализираат листите

ВМРО-ДПМНЕ ги објави имињата на 120те кандидати за пратеници. При нивното составување, од партијата велат се водело сметка за барањата на граѓаните и нивните потреби. Од досегашните 38 пратеници, на листите за шесте изборни единици, повторно ќе бидат дури 36мина. На листите нема кандидати за пратеници од новите коалициони партнери.

Во актуелната владејачка партија, според непотврдени информации од сегашните 32, место ќе има само за 16мина. Според лидерот на СДСМ, при составувањето на пратеничките листи, немало несогласувања.

Веќе ги потврдиле партиските органи, а како што вели Ковачевски, сите заедно работеле за победа на парламентарните избори.

СДСМ досега ги објави само носителите на пратеничките листи. Кои 120мина ќе бидат во трка за пратеничко столче, нивните имиња, партијата ќе ги објави викендов.