Поради одрони од карпа од синоќа во прекин железничкиот сообраќај меѓу Велес и Битола
Железничкиот сообраќај од Велес кон Битола и обратно од синоќа е во прекин поради одрони од карпа на пругата меѓу станиците Стари Град и Мартолци, потврдија од велешката Железничка станица.
Како што информираат за МИА од јавното претпријатие за железничка инфраструктура „Железници на Република Македонија“, на местото на настанот со две машини од утрово работат нивни екипи и најавуваат дека за два дена карпата ќе биде отстранета и пругата повторно оспособена за сообраќај.
Од јавното претпријатие „МЖ Транспорт“ информираат дека поради оваа ситуација, возовите од Велес до Битола и обратно се во прекин, а патничките возови од Скопје за Битола ќе сообраќаат до Велес и обратно, освен утринскиот воз кој од Скопје за Велес тргнува во 6:54 часот.
– Возот од Скопје за Гевгелија кој тргнува во 6:23 часот ќе поаѓа 30 минути подоцна и ќе сообраќа само до Велес, информираат од „МЖ Транспорт“.
Ново на Сител
-
СПМ: Владите на СДС со катастрофалните политики ја доведоа државата во подредена состојба
-
Сообраќаен метеж и гужва кај „Веро Џамбо“ поради сообраќајка | ФОТО
-
Приведен кавадарчанец по распишана централна потерница
-
Во беровската полиција однесено неексплодирано убојно средство
-
Можно е Фицо да биде префрлен на лекување во Братислава
-
Истрели во близина на Амбасадата на Израел во Стокхолм
-
Герапетритис: Грчката Влада реагираше брзо и го интернационализираше прашањето по инаугурацијата на Сиљановска
-
Француската полиција уби вооружен маж кој се обидел да запали синагога