Пет ракети истрелани од Ирак кон американската воена база во Сирија
Најмалку пет ракети се истрелани денеска од ирачкиот пограничен град Зума кон американската воена база во североисточна Сирија, соопштија два ирачки безбедносни извори и висок воен офицер.
Изворите рекле дека ракетниот фрлач бил фиксиран на задниот дел на мал камион во пограничниот град Зумар и камионот се запалил во експлозија на неиспукани ракети кога на небото се појавиле воени авиони.
– Засега не можеме да потврдиме дека камионот бил бомбардиран од американски воени авиони, изјави неименуван воен претставник.
Нападот се случи на денот кога ирачкиот премиер Мохамед Шија ал-Судани се врати од посетата на САД каде што се сретна со американскиот претседател Џозеф Бајден во Белата куќа.
Овој напад од Ирак врз американските сили е прв од почетокот на февруари кога групите во Ирак поддржани од Иран ги прекинаа нападите врз американската војска.
Едно лице загина, а осум беа повредени во експлозија што доцна во петокот ја потресе воената база јужно од главниот град на Ирак, Багдад, што ја користат силите за народна мобилизација на Ирак (ПМФ), изјави претставник на ирачкото Министерство за внатрешни работи.
Американската војска и Израел соопштија дека не стојат зад нападот.
Фракциите во ПМФ учествуваа во неколкумесечни ракетни и беспилотни напади врз американските сили во Ирак по почетокот на конфликтот меѓу Израел и Хамас во Појасот Газа, но ги прекинаа тие напади во февруари.
Ново на Сител
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница