Пентагон случајно ретвитна твит за оставка на Трамп

-

Пентагон денеска прво ретвитна, а потоа го избриша твитот, во кој се бара претседателот Доналд Трамп да поднесе оставка, со образложение дека тоа било случајно.

Портпаролот на Пентагон, Роб Менинг, не спомнувајќи ја содржината на оргиналниот твит изјави дека „Министерството за одбана не го одобрило тоа“.

Твитот „Решението е едноставно. Рој Мур: Откажи се од трката. Ал Франкен: Замини од Конгресот. Доналд Трамп: Поднеси оставка од местото претседател“, го поставил лицето чиј твитер налог е „ПроудРесистер“.

- Лицето што го ретвитна таквиот твит е овластен оператор на официјалниот Твитер на Пентагон, кој има 5,2 милиони следбеници. Откако ја сфати грешката, веднаш го избриша твитот, наведе Менинг.