Пад на акциите на германските автопроизводители по заканите од Трамп
Акциите на германските автопроизводители Бе-Ем-Ве, „Дајмлер“ и „Фолксаваген“ денеска доживеаа пад на берзите, откако американскиот претседател Доналд Трамп најави дека ќе воведе царина во висина од 35 отсто за возила од странство што ќе се продаваат во САД.
Како што јави дописникот на МИА од Берлин, акциите на Бе-Ем-Ве на Берзата во Франкфурт паднаа за 0,85 отсто, на „Дајмлер“ за 1,54 проценти, а на „Фолсваген“ за 1,07 отсто,
Сите три производители во последниве години отворија нови фабрики во Мексико, каде што цената на производство е помала, а возилата ги продаваат во САД. Компаниите „Дајмлер“ и Бе-Ем-Ве имаат свои фабрики и во САД, каде што произведуваат моноволуменски, спортски и луксузни возила.
Во интревју за весникот „Билд“, Трамп предупреди дека дека доколку германските компании не отворат фабрики во САД, ќе се соочат со високи давачки при увозот на нивните производи, со цел да се заштитат американските стоки.
Според Трамп, во трговијата на автомобили меѓу двете земји, нема реципроцитет затоа што „Мерцедес“ може често да се види во Њујорк, но во Германија „Шевролет“ не се продава на исто ниво.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците