Од идната недела велешани ќе можат да аплицираат за субвенции за набавка на печка на пелети или инвертер клима
Од следната недела до 25 октомври велешани ќе можат да аплицираат за субвенции за печка на пелети или инвертер клима. Советот на Општина Велес вчера одлучи на 34 семејства да им додели субвенции за набавка на енергетско ефикасно грејно тело. Предноснот ќе имаат од социјално загрозените семејства, со член од маргинализирана група инвалидизирано или хендикепирано лице, како и самохран родител.
Општината ќе субвенционира 70 отсто од вредноста или најмногу до 15 илјади денари за набавено енергетско ефикасно грејно тело-печка на пелети или инвертер клима.
Како што појасни за МИА, Елизабета Јовчевска од Општина Велес, целта на оваа мерка е стимулирање на жителите, односно домаќинствата за примена на почисти горива и поквалитетен начин на затоплување на своите домови, со што ќе придонесат за почиста животна средина.
Таа информира дека ќе се формира Комисија за спроведување на постапката за субвенционирање на граѓаните на подрачјето на Општина Велес за набавка на енергетски ефикасно грејно тело.
– Комисијата во првата фаза ќе ја проверува дали е целосна документацијата, а во втората фаза ќе изврши и теренски увид кај барателите, по што ќе одлучи на кои семејства ќе им ги додели субвенциите, појасни Јовчевска.
Барателите треба овие грејни тела да ги набават од објавување на повикот па се до 25 октомври,додека трае истиот, информира Јовчевска.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“