Концерт на младиот пијанист Петре Штерјов во Велес
Во рамки на манифестацијата „Велес-Град на културата 2015“ концерт-рецитал на пијано одржа Петре Штерјов, млад и успешен 25-годишен пијанист од Велес.
Пред својата публика тој се претстави со дела на Чимароза, Хендел, Хајдн, Лист и Зографски. Делото на композиторот Томислав Зографски од Велес, десетте минијатури оп. 11 биле изведени од авторот во далечната 1955 година во Скопје, а снимката не е сочувана. По 60 години ова беше премиерна изведба од друг изведувач на ова дело на Зографски, што предизвика голем интерс кај присутната публика.
Штерјов изјави дека ова е негов шести солистички концерт во Велес, а имал настап и со соло пејачи.
- Секој настап е посебен и единствен, а одговорноста е секогаш поголема за мене, потенцира Штерјов.
Манифестацијата „Велес-Град на културата 2015“ на Министерството за култура и општина Велес, според Штерјов е многу значајна бидејќи, како што рече, им овозможува на младите уметници кои се уште се образуваат, но и на оние веќе познатите, да се претстават пред публикатата.
Петре Штерјов веќе има завршено со оценка 10 една Музичка академија во Скопје, а сега е на Академијата во Штип во класата на проф д-р Милица Шкариќ. Добитник е на голем број награди и признанија на бројни натпревари по пијано. Добитник е на наградата „Деветти ноември“ на општина Велес за афирмација и промоција на општината во областа на културата и уметноста.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг