Суд во САД ги одби барањата за прекин на тужбите против Ријад за нападите од 11 септември
Федералниот јужен суд во американската сојузна држава Њујорк го отфрли барањето на Саудиска Арабија да бидат прекинати тужбите против неа покренати од семејства на загинати во нападите во САД на 11 септември 2001 година, во кои се тврди дека Ријад им помагал на напаѓачите од Ал Каеда и затоа треба да плати милијарди долари отштети на жртвите.
Жалбите против тужбите ги поднеле претставници на саудиските власти, на неколку саудиски банки, градежни компании и хуманитарна организација. Саудијците тврдат дека адвокатите во процесот се вон јурисдикција на судот во Њујорк. Тужбите кон Ријад и против некои саудиски организации ги поднесоа роднини на загинати во терористичките напади, осигурителни компании и други американски фирми.
Судот утврди дека истрагата против саудиските власти може да продолжи, но се согласи да ги отфрли тужбите против една саудиска градежна компанија, која била под контрола на семејството на Бин Ладен, против една хуманитарна организација и против две банки од арапското кралство, со аргумент, дека тие структури са вон јурисдикцијата на судот.
Во септември 2016 година тогашниот американски претседател Барак Обама стави вето на законот кој им овозможува на семејствата на жртвите на терористичките напади од 11 септември 2001 да ја тужат Саудиска Арабија, изјавувајќи дека законот би им наштетил на интересите на американската безбедност.
Неколку дена подоцна, американскиот Конгрес, за првпат, го поништи ветото на Обама и го поддржа законот кој им овозможува на преживеаните и семејствата на жртвите на терористичките напади во Њујорк да ја тужат Саудиска Арабија и да бараат отштета.
Ново на Сител
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат