Премиера на претставата „Ни ќар ни зијан“ на Струмичкиот театар
Народниот театар „Антон Панов“ од Струмица утре премиерно ќе ја изведе претставата „Ни ќар ни зијан“ од Братислав Димитров во режија на Синиша Евтимов.
Најавувајки ја новата претстава, уметничкиот директор Драги Маџиров денеска истакна дека ова е трета премиера во годинашната сезона на Струмичкиот театар, а втора во соработка со режисерот Евтимов.
- „Ни ќар ни зијан“ според текстот на Братислав Димитров праизведбата ја имаше пред точно дваесет години во Драмскиот театар во Скопје. Преставата апсолутно ги задоволува сите уметнички критериуми, така што публиката ќе ужива во играта на глумците од нашиот ансамбл. Сценографијата и изборот на музиката е на режисерот Евтимов, а за костимите се погрижи Ванчо Василев, рече Маџиров.
Режисерот Ефтимов е задоволен од соработката со актерите на Струмичкиот театар со кои во изминатите 45 дена поминале во, како што рече, максимално професионален ангажман.
- Претставата обработува теми кои се блиски секому и можат да допрат до секој бидејќи станува збор за настани и случки од нашите обични, мали животи и како ние се снаоѓаме во тој океан, наречен живот. Остваривме навистина убав театарски проект со кој Струмичкиот театар ќе може долго да се гордее, рече Евтимов.
Во претставата играат: Ванчо Крстевски, Ангелина Тренчева, Стојан Велков, Коста Ангов, Јулија Милкова, Кољо Черкезов, Анкица Бенинова, Оливера Аризанова.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп