Нигерија: Ослободени десетици киднапирани ученици, шестмина загинаа во заробеништво
Десетици ученици од едно приватно муслиманско училиште во западниот дел на Нигерија, кои беа киднапирани пред три месеци, се ослободени, а шестмина загинале во заробеништво, изјави вчера директорот на училиштето.
На 30 мај, околу 200 тешко вооружени мажи го зазедоа градот Тегина и киднапираа 136 ученици од приватното муслиманско училиште „Салиху Танко“. Во Нигерија, од декември минатата година се случија серија масовни киднапирања во училиштата и универзитетите.
Шестмина ученици од Тегина загинале во заробеништво, а 15 успеале да избегаат во јуни, истакна директорот на училиштето Абубакар Алхашан.
– Сите ученици се ослободени. Ги враќаме дома. Не можам сега да го кажам точниот број. Ќе утврдиме кога ќе се вратат дома. Но, ниту еден од учениците веќе не е заробен, истакна Алхашан, кој не соопшти детали околу ослободувањето на децата.
Во северозападниот и централниот дел на Нигерија, се зголемува бројот на напади, масовни киднапирања и разбојништва извршени од криминални групи кои ги нарекуваат „бандити“. Но, оваа година напаѓачите се насочени кон ученици и студенти за кои бараат откуп.
Околу илјада ученици и студенти се киднапирани од декември 2020 година, кога разбојниците почнаа да напаѓаат училишта. Повеќето се ослободени по преговорите, но стотици други се држат во кампови скриени во шумите.
Ново на Сител
-
Две сообраќајки за само 4 часа на влезот во Штип
-
Демири не знае од каде е смрдеата во хируршките сали – нема ни одговорност за крахот на системот
-
Демири се закани дека вработените во болницата во Лешок ќе останат без плата
-
ССМ: За една година трошоците за живот повисоки за 200 евра
-
Земјоделците го блокираа центарот на Струмица, бараат повисоки откупни цени на градинарското производство
-
Преглед на вестите од светот
-
Над 60% загуба на вода во водоснабдителниот систем на ЈП „Исар“-Штип
-
Во вооружена престрелка на Пластичарска загина 29 годишен скопјанец