Конгресот на САД ќе формира независна комисија за нападот врз Капитол од 6-ти јануари
Конгресот на САД ќе формира независна комисија, како онаа формирана по нападите од 11.09.2001., за да го испита смртоносниот напад врз Капитол минатиот месец. Претседателката на Претставничкиот дом контролиран од Демократската партија, Ненси Пелоси, го наведе тоа во писмото до нејзините сопартијци.
Пелоси пишува дека Комисијата „ќе ги испита и известува за фактите и причините за внатрешниот терористички напад на 6 јануари 2021 година против комплексот Капитол и во врска со мешањето во мирниот трансфер на власта“. Покрај тоа, Претставничкиот дом ќе обезбеди дополнителни средства за зголемување на безбедноста на Конгресот.
Откако во саботата поранешниот претседател Доналд Трамп беше ослободен од обвинението во втор процес за импичмент против него во Сенатот, расте двопартиската поддршка за формирање независна комисија за испитување на смртоносниот напад во Капитол. На Трамп му се судеше под обвинение за поттикнување немири, откако одби да го признае поразот на изборите во ноември и тврди, без да обезбеди докази, дека неговата победа е украдена.
Вкупно седум републикански сенатори ги поддржаа своите колеги демократи во неуспешниот обид да го осудат Трамп за поттикнување бунт – 57 сенатори гласаа за осуда на Трамп и 43 против. Така, поранешниот претседател беше ослободен од обвинението, бидејќи не беше собрано потребното квалификувано мнозинство од две третини – т.е. 67 членови на Сенатот. На 50-те демократски сенатори им беше потребна поддршка од најмалку 17 нивни колеги републиканци.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола