Климатски состанок САД-Кина за подготовка за Светскиот самит на ОН во Дубаи
Двата најголеми емитери на јаглерод диоксид во светот, САД и Кина ќе се сретнат овој викенд во Калифорнија за да разговараат за подготовките за климатската конференција на ОН КОП28 во Дубаи на крајот на ноември, соопшти Стејт департментот.
Пред очекуваната посета на кинескиот претседател Си Џинпинг на САД, американскиот претставник за климата Џон Кери ќе разговара за „зголемените амбиции за заштита на климата“ и мерките за обезбедување успех на КОП28 со неговиот кинески колега Сие Женгху во Палм Спрингс в сабота, соопшто Стејт департментот.
САД и Кина заедно се одговорни за речиси половина од светските „емисии на стакленички гасови“.
На 30 ноември, околу 200 земји ќе се соберат во Дубаи на Конференцијата на ОН за климата, пред крајот на годината со рекорден пораст на температурите, зголемен број пожари и природни катастрофи, а сето тоа предизвикува загриженост во светот.
Едно од главните прашања на самитот во Дубаи ќе биде дефинирањето на контурите на фондот кој моментално се нарекува „Загуби и штети“, начелно договорен на претходната климатска конференција КОП27, кој треба да ги компензира најсиромашните земји соочени со последиците од климатските промени.
Ново на Сител
-
Teма на денот со Татјана Димитровска, претседателка на ДКСК
-
Лидерите на Европскиот Фронт потпишаа декларација против „моноетничко владеење“
-
Гаши ја свика првата координација
-
Лидерите на Европскиот Фронт потпишаа декларација против „моноетничко владеење“
-
Деспотовски: Тој што ќе изгуби на изборите во СДСМ, да не прифаќа партиски функции
-
Мицотакис: Прашањето за Преспанскиот договор ќе го отворам на Самитот на НАТО
-
Матурантите кои препишуваа на испитот по мајчин јазик ќе полагаат пак во август
-
Детектор: Младинскиот активизам на незадоволително ниво