Калемење на диворастечки круши во Демирхисарско
Општина Демир Хисар и средното земјоделско училиште „Кузман Шапкарев“ од Битола во соработка со средните земјоделски училишта од Ресен и Прилеп, денеска во демирхисарското село Журче спроведоа акција на калемење на диворастечки круши.
Градоначалникот на општина Демир Хисар, Љупчо Блажевски информира дека во акцијата се вклучија 80 ученици, наставници и други стручни лица кои калемеа во атарот на селото Журче, во непосредна близина на манастирот „Св.Атанасиј“ каде се регистрирани најголем број стебла со диворастечка круша.
- Со оваа акција очекуваме да се зголеми искористеноста на диворастечката флора, зголемување на квалитетните и еколошки здрави плодови од нашево поднебје и продолжување на народната традиција како што е калемењето. Крушата е овошје кое недостасува на трпезите и на овој начин ќе се надоместува овој недостиг, а можеби и ќе го предизвика локалното население да се посвети на нов бизнис, посочи Блажевски.
Во акцијата во којашто како своевидна „претходница“ покрај учениците и жители на селото Журче, учествуваа и искусни повозрастни калемари од Демир Хисар и соседните општини, беа калемени околу 1.000 дивоизраснати стебла од круша кои беа калемени со познати плодородни и висококвалитетни сорти од типот „Кантарка“, Санта Марија“, „Велјановка“, „Клатовка“, „Цариградско акче“ и други.
Ново на Сител
-
Папата им го честиташе Велигден на православните христијани
-
Скопјанец измамен во менувачница од двајца странски државјани
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место