Избори за двајца нови членови на Судскиот совет
Врховните и судиите од скопското апелационо подрачје денеска избираат двајца нови членови на Судскиот совет.
Судијата Наќе Георгиев од Врховниот суд е единствен кандидат од редовите на врховните судии, додека на кандидатската листа за скопското апелационо подрачје и од управните судови се двајца кандидати - судијата од Основниот суд Кавадарци, Лазар Нанев и Антонета Димовска, судија на Граѓанскиот суд Скопје.
На изборите право на глас имаат вкупно 236 судии, 16 врховни судии и 220 судии од скопското апелационо подрачје - Основниот граѓански суд Скопје, Основен кривичен суд Скопје и основните судови од Велес, Кавадарци, Неготино, Гевгелија, Куманово, Крива Паланка и Кратово, како и судиите од Управниот и Вишиот управен суд.
Гласачките места ќе бидат отворени од 8:00 до 15:00 часот.
Изборите се за пополнување на местата, по оставките на врховната судијка Мирјана Радевска-Стефкова и на Зоран Герасимовски судија од скопска Апелација.
Советот е составен од 15 члена, од кои, осум члена на Советот ги избираат судиите од своите редови, петмина се избираат во Собранието, од кои двајца предлага Претседателот на државата, а по функција членови на Советот се и претседателот на Врховниот суд и министерот за правда.
Мандатот на избраните членови трае шест години со право на уште еден избор, додека на претседателот на Врховниот суд и на министерот за правда со престанок на функцијата им престанува и мандатот во Советот.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“