Храна што може да биде штетна за бебето
На децата треба да им се дозволи да ја истражуваат храната, но стручните лица предупредуваат дека има намирници кои треба да се избегнуваат додека бебето не наполни барем една година.
Медот треба да се избегнува затоа што може да развие ботулизам. Ботулизмот е ретка, но сериозна болест предизвикана од анаеробната бактерија „Clostridium botulinum“ која произведува токсини, а последиците за бебињата помали од една година може да бидат сериозни.
Овој производ може да предизвика сериозни алергиски реакции. Освен алергии, путерот од кикирики е опасен и затоа што е густ и леплив, па може да предизвика задушување.
Бебињата не треба да јадат солена храна. Бубрезите на едногодишно дете не се доволно развиени за да се справат со големи количини на натриум, па затоа солта треба да се избегнува.
Грозјето е корисно за бебињата, но откако ќе потпораснат малку. Дури и ако зрното се исече на половина, тоа претставува ризик за бебето оти може да доведе до задушување. Ова важи и за сувото грозје. Едноставно, ова овошје треба да се избегнува.
Бонбоните и лижавчињата детето треба да ги добие тогаш кога ќе може веќе само да ги четка забите.
Секое бебе сака чоколадо. Но, чоколадото содржи кофеин, какао и млеко, што е тешко за децата под една година, да го сварат.
Како и грозјето, големите и тврди сурови моркови се голем ризик од задушување кај малите деца. Најбезбеден начин за консумирање морков е кога тој е варен.
Иако се крцкави, вкусни, а донекаде и здрави за јадење, пуканките сепак, се сериозен ризик од задушување. Никогаш не смее да им се даваат пуканки на деца под една година.
Ново на Сител
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал