ФЗОМ: 11.902 осигуреници користиле електронски услуги
Фондот за здравствено осигурување на Македонија соопшти дека 11.902 осигуреници досега ги искористиле електронските услуги на порталот на Фондот со кои на брз, лесен и ефикасен начин ги оствариле своите законски права без притоа да мораат да доаѓаат на шалтерите на ФЗОМ.
Сетот електронски услуги ФЗОМ ги воведе во рамки на унапредување и олеснување на комуникацијата меѓу Фондот и осигурениците, фирмите и здравствените работници.
Од воведувањето на електронските услуги, осигуреници, овластени лица и здравствени работници ги искористиле овие електронски услуги и поднеле барање од своите домови или работни места по електронски пат за остварување на одредено право.
Најкористена електронска услуга е за заверка на ортопедски помагала, која 9.508 осигуреници ја искористеле и поднеле документи преку матичните лекари и лекарите специјалисти по електронски пат, а потоа следат барање за БПО (866), извештаии за спреченост при работа (838) и предлог за оцена на привремена спреченост за работа (690).
Придобивките од електронските услуги кои ги воведе Фондот за здравствено осигурување се бројни и за осигурениците и за фирмите и за здравствените работници, при што нема трошење на време и финансиски средства за да се оди до подрачната служба на Фондот. Можноста за увид во сопствениот предмет, дали тој е позитивно или негативно решен и кога ќе биде извршена исплатата доколку се работи за рефундација на средства е исто така една од бројните придобивки од електронските услуги.
За поедноставно и точно информирање кои се потребните чекори и како да се користи електронската услуга, Фондот изготви видео туторијали, кои се краток и едноставен водич како чекор по чекор за начинот како да се користат електронските услуги на Фондот.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд