Економска информативна работилница за Македонија во Париз
Во Париз денеска ќе биде одржана Економска информативна работилница за Македонија, организирана од француската агенција Business France. соопшти Амбасадата на Франција во Скопје.
На работилницата, како што соопшти Француската амбасада, ќе присуствуваат француската амбасадорка Лоренс Оер, министерот за привлекување странски инвестиции Горан Мицковски и вршителот на должност во Амбасадата на Македонија во Париз, Габриел Атанасов.
- Работилницата претставува исклучителна можност што им се нуди на извозниците, инвеститорите и бизнисмените. Таа ќе им овозможи да го разберат и да го истражат локалниот пазар, да се сретнат со експертите што ги придружуваат француските компании и да направат преглед на најновите случувања на македонскиот пазар. Работилницата ќе им ја претстави на француските компании атрактивноста на Македонија, за да ги охрабри да инвестираат на нејзина територија. Покрај тоа, средбите со експертите што ги придружуваат француските компании ќе им обезбедат информации за приоритетните инвестициски проекти кои се одобрени и политички и финансиски од страна на властите во земјата, како и од меѓународните донатори, се вели во соопштението од Француската амбасада.
На економската средба во Париз ќе бидат претставени главните сектори, проектите за железничката и електричната инфраструктура, како и политиките што ги спроведуваат македонските власти за да ги охрабрат француските инвеститори да се приклучат кон оние што веќе се активни во Македонија, како што се: Сосиете Женерал, ЕЖИС, Фресине, Суец, Систра, Лакталис, Публицис, AКОР, Аеродроми Париз и други.
Ново на Сител
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница
-
Поевтинуваат горивата ова се новите цени
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор