- Имаме контакти (со талибанците) на толку високо ниво колку вие сакате да стигнете, изјави Карзаи во Исламабад каде се наоѓа во посета. - Подготвени сме да зборуваме со нив вклучително и со мула Омар, согласно авганистанскиот Устав.Ако меѓународната заедница има проблем со тоа, таа треба да дојде и да објасни, додаде тој. 

Велика Британија ја повика Владата на Карзаи и талибанците да имаат контакти со посредство на Пакистан како што беше договорено на лондонската конференција за Авганистан во јануари.

САД поддржуваат реинтеграција на талибанците од ниски нивоа, но не и помирување до клучни лидери како мула Омар.

Главната цел на посетата на Карзаи на Пакистан е да добие поддршка на Исламабад за планот за помирување со талибанците. Пакистанскиот премиер Јусуф Џилиани изјави дека државата ќе му укаже неопходна поддршка.