Антивладини протести во повеќе руски градови
20.03.2010 - 16:10 |
Илјадници луѓе денеска учествуваа во антивладините протести во неколку руски градови.
Приближно илјада луѓе протестираа во Санкт Петербург носејќи транспаренти за оставка на премиерот Владимир Путин.
- Ништо нема да се смени додека Путин е на чело. Не сакаме да продолжи неговото владеење, изјави Олга Курносова од Обединетиот граѓански фронт.
Дел од демонстрантите ја обвинија Владата на Путин поради зголемување на цените на комуналните услуги, а други за корупцијата.
Антивладини протести имаше и во Москва каде се собраа неколку илјади луѓе барајќи реформи на руската патна полиција, која е критикувана поради корупција и неефикасност.
Во Владивосток во антивладиниот протест учествуваа најмалку 1.500 луѓе барајќи зголемување на пензиите и намалување на трошоците при купување на автомобили на старо.
Антивладини протести имаше и во другите градови, а некаде демонстрациите беа забранети поради опасност од судири со полицијата.
Свет
|
Коментирај