Предлог - законите за изменување и дополнување на Законот за квалитет на амбиентниот воздух, на Законот за вработување и работа на странци, на Законот за внатрешни работи, на Законот за заштита на природата и на Законот за заштита од пушењето, сите во второ читање, се на агендата на седницата.

Пратениците се очекува да расправаат и по дополнетите предлог - закони за служба во Армијата на Република Македонија, за државните службеници, во второ читање, како и по Предлог - законот за дополнување на Законот за сопственост и други стварни права (второ читање).

На дневниот ред на 97-та собраниска седница е и Предлог - законот за изменување на Изборниот законик (второ читање), Предлог - законот за издавање на вредносни бонови - ваучери и Дополнетиот предлог на закон за изменување и дополнување на Законот за царинска тарифа (второ читање).