Сметот повеќе нема да се складира кај станицата, а тетовскиот градоначалник најави дека  местото кое досега беше закана за здравјето на граѓаните, во иднина ќе уреди како парк.

 

Сметот од Тетово согласно договорот со општина Гостивар се носи во депонијата Русино каде паралелно се извршуваат градежни работи за подобрување на инфраструктурата.

 

Надлежните институции работат и на долгорочното решение-Русино да се даде под концесија со јавно-приватно партнерство.

 

Собраниот смет почна да се складира кај железничката станица во Тетово во април минатата година, поради забраната на Гостивар да се користи депонијата Русино. Во најкритичните моменти складирани беа над 16 илјади тони отпад.