Со победата од 2:0 против Фиорентина во синоќешниот натпревар во Фиренца, последен од 23. коло во италијанското фудбалско првенство екипата на Рома изби на второто место на табелата, веднаш зад шампионот Интер.
Интер без проблеми славеше во дуелот со Каљари со 3:0, а првиот гол во 6 минута го постигна Горан Пандев. Македонскиот репрезентативец во дресот на Интер го одигра целиот натпревар, а освен тоа што постигна голот беше и асистент при постигнувањето на третиот гол кој го даде Диего Милито.
На другите натпревари постигнати се следниве резултати: Палермо – Парма 2:1, Ливорно – Јувентус 1:1, Аталанта – Бари 1:0, Лацио – Катанија 0:1, Џенова – Киево 1:0, Болоња – Милан 0:0, Удинезе – Наполи 3:1 и Сиена – Сампдорија 1:2.
Интер е прв со 52 бода (натпревар помалку), пред Рома со 44, Милан има 42 (натпревар помалку), Наполи е на четвртото место со 38,...
